川．粵居 (已結業)

做節試新嘢去元朗川粵居，地點非常隔涉，有私家車會比較好，但有商場附屬停車場。上湯澳洲龍蝦伊麵，伊麵底真係冇得輸，小朋友最鍾意，反而龍蝦身肉不多。清蒸紅東星斑仔，雖然只一斤但幾好肉，蒸得剛好，真係考師傅手勢。招牌水煮牛肉，不算很辣，牛肉嫩滑。石鍋咖喱牛腩（跟饅頭）是最受歡迎的一個餸，牛腩煮得入味又軟嫩，咖喱很惹味，配饅頭是絕配。花膠北菇鵝掌煲，花膠不多，北菇煮得入味，鵝掌亦鬆化。其他還有椒絲腐乳通菜、勝瓜雲耳百合炒芹香、金銀蒜粉絲大元貝及沙薑蔥油雞等，都不過不失。整體而言，偶爾來一次這麼隔涉的地方吃飯都有去旅行的感覺，食物亦不差，不過服務不勤快，衷心有需要進一步改善。尤其部長當日不斷游說叫餐，想叫單點就心不在焉，有趕客之嫌。