水門雞飯 (百宜樓) (已結業)

話說我去左元朗到食飯，但又唔知點解元朗四圍都係人又搵唔到有邊間野好食，就我就是但搵左呢間水門雞飯去試一試。入到去發覺雖然冇係門口排隊但係入面都一樣係好多人。咁我坐低左就叫左個招牌既海南雞飯試一試佢。叫左個海南雞飯佢仲有一碗例湯配埋個飯去食。個雞飯啲雞好軟好滑好有咬口，啲雞同個汁又係好夾，一啖雞一啖飯好快就食晒成碟飯，食完個飯都唔會口渴，幾好。但係我覺得個飯既份量有小小唔夠，如果叫多個小食就應該岩岩好。