舍利鮨 (已結業)

位於元朗嘅舍利鮨專門食omakase，住九龍嘅我都特登慕名而來🫶🏻完全無令我失望！門面一睇就係非常高級嘅感覺，環境裝修得好靚，位置可以睇到師傅嘅手藝，非常enjoy!!食物嘅部份，今次廚師發板大尾魷、白蝦、半天然深海池魚、車海佬、針魚以及秋山水產馬糞海膽。全部壽司刺身望落都晶瑩通透，新鮮就係基本，入口彈牙鮮甜！我最中意嘅就係車海佬，肉質彈牙帶用濃濃嘅鮮蝦味，一試難忘！舍利鮨確實係我食過omakase數一數二，非常推介！