至友美點

營業中

休息中

自己平日好少入元朗，難得行街行到去元朗，就叫熟元朗嘅帶路食好野。餐廳裝潢都係偏舊式，入面啲枱櫈有少少似大排檔個類。聽講呢間店係24小時營運，宵夜都有得食點心都幾過癮。-蜜味叉燒腸腸粉正常水準，叉燒蜜味頗香，食落都不錯。-至友蝦餃皇蝦餃幾大粒同彈牙，帶鮮蝦香甜。餃皮軟糯，味道懷舊。-鮮蝦韭菜餃由於我係好鍾意食韭菜餃，見到點心鋪有韭菜餃當然唔執輸要試下。但餃子同我預期中個樣都幾唔同下，無諗過係用包粉果嘅皮。雖然我都鍾意食粉果，但包韭菜有少少奇怪。食落味道不過不失，蝦肉幾大粒，韭菜再香啲會更好。-北菇滑雞飯盛載滑雞飯嘅碗令我啲童年回憶返晒嚟，有種食緊外婆煮嘅飯嘅感覺。北菇幾香，可惜唔係好多粒。雞件入口滑嫩，無乜雪藏味，整體唔錯。