桜

營業中

休息中

今日路過元朗又新街見到有間日式外賣店，口痕痕叫左兩個手卷，分別係三文魚拼海膽手卷（$42）同帶子拼海膽手卷（$48）。三文魚拼海膽手卷入面嘅海膽好新鮮，鮮甜冇腥味，比起坊間放題提供果d海膽好食多；相比之下三文魚冇咁突出 ，但質素都唔差，處於中等質素。而且飯嘅口感不錯，醋酸味適中。值得一提係服務員態度都幾好 ，落單時積極回應客人提問，原本兩個手卷打算堂食食完一個後，另一個就外賣帶走，店員主動幫我打包好，比自己整理更企理。另外一個就係帶子拼海膽手卷，都幾好食，海膽同樣鮮甜，帶子大大粒，又夠甜，平時好難食到又甜又鮮，$48都值得一試。總括黎講，去開元朗又突然想食手卷，呢間外帶手卷店值得入去買返件呢。