Couple's Kitchen (已結業)

元朗近年都多咗好多打卡餐廳，剛好要去元朗當然要跟下風，見到哩間餐廳門面裝修得幾有美國風，餐廳上見到有個afternoon tea好吸引，但當時只是午飯時間未夠3點，唯有點住lunch set睇下咩質素先。我點了個美式牛肉洋蔥漢堡🍔配洛神花茶，同伴點了個地中海風情蕃茄意粉🍝配白茶花茶，另追加一份香脆薯條，後上Tiramisu做甜品。我哋被安排坐一間房仔，餐枱同座位間的隔離相對比較闊落，人少少傾計都舒服啲，加上環境裝潢都唔錯，📸打卡一流！入座同食物上枱都快，唔洗等到肚餓，食物份量都好足，牛肉漢堡我通常都鍾意5成熟，但都明白唔係人人有各自的喜好，如果有得講埋幾多成熟就更好了。意粉靭度不錯，蕃茄未香濃，感覺好健康，我幾喜歡哩個。花茶是配餐的不用加錢，飲著有一種休閑。