泰廳 (已搬遷) 新店位置

星期二放工，同老婆係元朗食飯。係元朗廣場附近 青山公路段 即運動舖隔離間泰廳食泰菜。七點零到 已經坐滿 要等位 好彩等十五分鐘已經有位。餐廳不大 大約三張卡位 另加兩三張台 兩張坐八人大枱 估計都係十張台左右 唔怪得咁快滿座 好快點左椰青 芒果蟹肉炒飯 芝士炸蝦丸 馬拉盞炒通菜 椰青好飲 椰肉好味 非常清甜 $32一個唔貴最先上是蟹肉芒果炒飯 賣相吸引 蟹肉加芒果甜甜地 配合炒飯鹹鹹地 味道好夾 炒飯夠香 不會油膩 飯用咖哩粉炒更加帶出香味馬拉盞炒通菜夠獲氣 又惹味炸芝士蝦丸 非常大粒 流心芝士配合蝦丸好味