巴打火鍋館 (裝修中)

最近超想食椰子雞，上網搵到呢間巴打火鍋館有各式各樣嘅火鍋湯底，而且而家晚市火鍋又做緊激荀優惠，係時候要滿足吓自己嘅小心願！餐廳裝修充滿住港式風情，另外冷氣亦好夠，就算係夏天來呢到打邊爐都非常適合～原生椰子雞鍋(半隻)💰HK$208湯底椰香四溢，味道相當之清甜，令人忍唔住飲多兩碗！雞件充分地吸收咗清甜嘅椰子香味，而且肉質鮮嫩，味道亦變得格外濃郁鮮味～美國雪花肥牛💰HK$138牛肉味濃郁厚重，油脂嘅含量亦恰到好處，肉質更加係多汁鮮嫩，令人回味無窮～新鮮扇枯牛(細)💰HK$168扇枯牛係一款肉質偏瘦嘅牛肉，咬落去柔嫩彈牙，味道同一般嘅牛肉有少少唔同，帶有一種獨特嘅幽香，肉質同味道都有驚喜～竹笙釀蝦滑(半份)💰HK$78竹笙清脆爽口，充分地吸收咗蝦滑嘅鮮甜味！內裡嘅蝦滑肉質彈牙，鮮甜濃郁！整體味道鮮甜爽口，非常特別～檸檬柚子蜜💰HK$32既有柚子蜜嘅甜味，又有檸檬嘅酸爽，充分地呈現出一種酸甜交替嘅味道～