影片
更多
2023-10-16
5 瀏覽
平時鍾意同朋友捐窿捐罅，睇吓有啲咩寶藏小店好食，今日我哋就嚟到呢間元朗嘅黑木亭，出邊嘅裝修睇上去幾別致·，一於就試吓佢！首先我哋叫咗蟹將軍薯仔沙律，蟹肉意外地幾鮮甜，但薯仔沙律先係主角，薯仔打到變蓉，食落去又會有一粒粒大大粒軟林林嘅薯仔，配埋少少蟹子，成個口感非常豐富。跟住講下個玉子汁燒脆活鰻魚，玉子調味啱啱好唔會太甜，鰻魚肉質好淋好嫩，而且冇啲細骨吉口，最重要係個鰻魚汁，增添嗰少少鹹味，同成個串完美配搭。我同朋友第一次見炸蔥吞拿魚蓉鮟鱇魚肝卷，一於試下。每卷壽司真係超大件，吞拿魚蓉份量好多，有淡淡甜味，肉質新鮮。鮟鱇魚肝本身冇咩味道，口感軟淋，食落去有浸油香味， 配埋吞拿魚上面嘅炸蔥，鮟鱇魚肝個香味更加突出， 值得一試！跟住個椰皇壽喜燒A5宮崎+M7澳洲和牛寶盒 一嚟到好震撼，成個木盒裝住唔同等級嘅牛肉，仲有兩隻鮮蝦同埋福袋。講下個牛肉先，A5宮崎口感好嫩滑，完全唔使咬，入口即溶，M7澳洲和牛都唔執輸，肉質比A5更加厚，一樣咁嫩滑，咬落去個肉感更加豐富，好滿足。 個壽喜燒湯底係先加咗啲椰子水再加壽喜燒汁，椰子水好抌本加咗好多，啲和牛增添咗少少椰子水嘅香味，意外地襯托到和牛啲肥肉位更有
首先我哋叫咗蟹將軍薯仔沙律，蟹肉意外地幾鮮甜，但薯仔沙律先係主角，薯仔打到變蓉，食落去又會有一粒粒大大粒軟林林嘅薯仔，配埋少少蟹子，成個口感非常豐富。
跟住講下個玉子汁燒脆活鰻魚，玉子調味啱啱好唔會太甜，鰻魚肉質好淋好嫩，而且冇啲細骨吉口，最重要係個鰻魚汁，增添嗰少少鹹味，同成個串完美配搭。
我同朋友第一次見炸蔥吞拿魚蓉鮟鱇魚肝卷，一於試下。每卷壽司真係超大件，吞拿魚蓉份量好多，有淡淡甜味，肉質新鮮。鮟鱇魚肝本身冇咩味道，口感軟淋，食落去有浸油香味， 配埋吞拿魚上面嘅炸蔥，鮟鱇魚肝個香味更加突出， 值得一試！
跟住個椰皇壽喜燒A5宮崎+M7澳洲和牛寶盒 一嚟到好震撼，成個木盒裝住唔同等級嘅牛肉，仲有兩隻鮮蝦同埋福袋。講下個牛肉先，A5宮崎口感好嫩滑，完全唔使咬，入口即溶，
M7澳洲和牛都唔執輸，肉質比A5更加厚，一樣咁嫩滑，咬落去個肉感更加豐富，好滿足。 個壽喜燒湯底係先加咗啲椰子水再加壽喜燒汁，椰子水好抌本加咗好多，啲和牛增添咗少少椰子水嘅香味，意外地襯托到和牛啲肥肉位更有油香，食到最後啲蔬菜依然有浸椰子水嘅香味！
飲品方面， 我同朋友一人一杯藍蝶花佛手柑熊茶同埋綠茶鮮奶熊貓脆脆，兩杯嘢飲上面都會有一隻冰熊仔，超級得意，打卡必嗌！外貌好睇，味道都唔差，藍蝶花佛手柑熊茶，藍蝶花 唔係好出但有淡淡的香味，被佛手柑嘅甜味搶左少少，但兩者配搭好清甜。綠茶鮮奶熊貓脆脆，綠茶味啱啱好，唔會太苦太甜，奶底好香好滑。有啲驚喜嘅係兩隻熊仔都唔係普通嘅冰，係飲品雪到變冰，所以就算溶晒杯嘢都唔會淡味。
張貼
