天龍咖喱

營業中

休息中

元朗有好多好味的地道小店。天龍咖喱🍛係我鍾意嘅其中一間元朗地道小店。主要原因係因為食物好味，經濟實惠。今次我哋叫咗咖喱牛腩牛筋飯$62牛腩好嫩。咖喱唔會太辣，好啱香港人嘅口味。如果想再辣啲嘅可以加辣。惹爆蔥油雞扒茄子煎太陽蛋飯$53，蔥油好惹味，雞肉都好嫩滑。酥油薄餅$32，薄餅點咖喱汁一流👍香酥雞$38，有少少似台式嘅鹽酥雞，好香口，點泰式甜辣醬，好味👍柚子梳打$25凍蜂蜜柚子茶$25呢間小店嘅店員都好有禮貌，服務態度好好👍下次都會再嚟幫襯。