影片
更多
2021-04-17
152 瀏覽
今晚去左元朗逸之燒食晚餐，就喺元朗雞地，yoho行過黎5分鐘就到。餐廳店外店內裝潢都充滿日本居酒屋風情，元朗巿區少見咁有日本感覺的餐廳，最喜歡餐廳入面嘅天花採用木條作橫樑，濃濃日本味道帶有自然又溫暖的感覺，勾起去日本旅行的回憶🌅食物款式有好多唔同種類嘅選擇，刺身、串燒、炭爐燒、一品料理、壽喜燒、飯團、麵食，另外仲有便當同春祭推介。既然係推介當然試下，叫左個銀鱈魚西京燒同香葱吞拿魚腩蓉手卷。老公本身好喜歡食日本居酒屋先會食到嘅食物，所以佢對於呢個日本料理裏面嘅經典菜式～鱈魚西京燒～好有興趣，燒魚表面燒至金黃色，白味噌味道溫和，帶d甜味，好適合配海鮮，加入清酒同味醂調味，非常入味，沙律是可以不用的。香葱吞拿魚腩蓉手卷，滿滿嘅吞拿魚蓉幼細香滑，軟綿綿嘅口感加上碎吞拿魚嘅脂香，一口一啖，豬覺得唔洗要咁多蔥。三文魚刺身，色澤鮮明呈橙紅色，每件厚身肥美，脂肪紋分佈鮮明，紋理清晰，而且肉質堅挺，非常新鮮。燒三文魚頭係我地嘅最愛，非常多肉，而且魚頭嘅膠原都好多，所以入口非常嫩滑，魚味香濃，帶有輕微鹽燒嘅鹹味，一d腥嘅味道都冇。炸軟殼蟹嘅份量頗足，炸得乾身，咬落香脆唔油膩，都唔錯！上枱時幾靚仔，砌返個蟹
食物款式有好多唔同種類嘅選擇，刺身、串燒、炭爐燒、一品料理、壽喜燒、飯團、麵食，另外仲有便當同春祭推介。
既然係推介當然試下，叫左個銀鱈魚西京燒同香葱吞拿魚腩蓉手卷。老公本身好喜歡食日本居酒屋先會食到嘅食物，所以佢對於呢個日本料理裏面嘅經典菜式～鱈魚西京燒～好有興趣，燒魚表面燒至金黃色，白味噌味道溫和，帶d甜味，好適合配海鮮，加入清酒同味醂調味，非常入味，沙律是可以不用的。
香葱吞拿魚腩蓉手卷，滿滿嘅吞拿魚蓉幼細香滑，軟綿綿嘅口感加上碎吞拿魚嘅脂香，一口一啖，豬覺得唔洗要咁多蔥。
三文魚刺身，色澤鮮明呈橙紅色，每件厚身肥美，脂肪紋分佈鮮明，紋理清晰，而且肉質堅挺，非常新鮮。
燒三文魚頭係我地嘅最愛，非常多肉，而且魚頭嘅膠原都好多，所以入口非常嫩滑，魚味香濃，帶有輕微鹽燒嘅鹹味，一d腥嘅味道都冇。
炸軟殼蟹嘅份量頗足，炸得乾身，咬落香脆唔油膩，都唔錯！上枱時幾靚仔，砌返個蟹形，但豬影得唔好，影唔出個蟹形出黎。
安格斯牛小排壽喜燒，鹹鹹甜甜嘅醬汁係豬的最愛，鹹甜味比例均勻，再加上新鮮嘅牛肉，大白菜，豆腐，菇類等，材料豐富。牛小排色澤鮮豔，放落去涮5-6秒即可，好香牛嘅肉味，入口亦唔太肥。
鹽燒五花串，燒香後脂肪溶化油香撲鼻，會更加外脆內軟，五花肉多汁且富Q度，不過比起安格斯牛肉粒，驚豔感稍嫌不足。
鹽燒安格斯牛肉粒，牛肉粒肉質上乘，輕輕放d鹽落去除左調味，更加可以突出牛肉味。火喉控制得宜，咬落去軟熟嫰口又多汁唔韌。
整體黎講環境，食物，服務都好好，係豬幾喜歡嘅餐廳
張貼
