野川拉麵の鮮鍋道場 (已結業)

今晚約左幾個朋友想坐底慢慢聚舊.. 由於同行有兩個大胃男子所以揀放題比佢地慢慢食 👬元朗放題都算多, 今次揀左依間野川拉麵之鮮鍋道場, 每人只係178再加一 ! 本身咁平都不抱有太大期望, 岀人意表地性價比不錯啊位於馬田路的商場入面, 不難找... 原來也可以火鍋放題, 不過最近火鍋次數太多無試到魚生望落新鮮 ☺️ 最緊要係無雪味 ! 跟足落單數量炸物比我想像中有水準.. 好鐘意個黃金焗蠔, 雞串香脆 , 天婦羅系列亦香脆有咬口甜品種類雖然不算多但個人覺得幾合口味, 有啫喱同布丁, 乳酪山水豆腐花.. 但我特別喜歡涼果子煙煙韌韌，食左四五粒 😋