Tommy Yummy (元點)

營業中

休息中

Tommy Yummy係元朗都開分店，之前係中環店食過，而家終於近D啦。呢到感覺係泰式Fusion菜，食物選擇好多，唔想簡就可以好似我地咁叫2人餐。小食 - 蝦餅配泰式魚餅蝦餅好有驚喜，咬開係有原隻蝦肉係入面，用左蝦滑包住佢再炸，好酥脆。打拋豬肉碎煎蛋飯隻燶邊蛋好吸引，呢個飯都幾辣下，肉碎十分惹味，撈飯一流。蝦球金邊粉蝦球份量好多，整體味道係偏甜，配上脆口花生碎，幾好食。鐘意食辣既仲可以加埋旁邊既辣椒粉! 泰式玫瑰紅茶想飲熱既，可以簡茶，似平時泰奶個茶底，幾特別。最後仲加左芒果糯米飯，椰汁分上，自己落。糯米飯暖暖地，幾有咬口，帶少少鹹味。芒果就好甜，好好食。