舍利鮨 (已結業)

食Omaksase唔一定要去九龍港島，元朗就有好幾間優質選擇。新開嘅舍利鮨定價同元朗區其他Omakase相約，午市有三個價位可以選擇($350, 500, 650)，今次就揀咗$650，包括前菜、3款刺身、12件壽司、味噌湯及甜品。前菜係蟹肉茶碗蒸，蒸蛋夠滑但略嫌有啲鹹，一開始仲有少少擔心之後嘅食物質素，好彩只係虛驚一場，而且仲好有驚喜。刺身方面最鍾意係來自日本大船渡灣嘅生蠔，蠔肉飽滿帶礦物味，再加上食用花嘅微微花香，加多一點清新感覺，名副其實係錦上添花～壽司係最精彩嘅部分，每一款都非常新鮮，部分配搭特製醬汁，相當有驚喜。秋刀魚秋刀魚肉質彈牙肥美，魚味較重，果然係秋天當造嘅食材味噌筋子普遍喺連鎖壽司店食到嘅都係醬油漬，依款用味噌醃製，冇平日食到嘅醬油漬筋子咁鹹，帶少許甜味，值得一試！甜品可以選擇雪葩或咖啡，為是日午餐畫上完美句號。總結而言，憑住新鮮食材同用心配搭，相信可以喺元朗依個Omakase林立嘅地區佔一席位。