影片
更多
2021-08-06
397 瀏覽
原來大馬路開左間土耳其菜，之前見谷友介紹過，但唔知原來開係大街咁易搵。是日同朋友黎試下，小店全部係外籍員工，但佢地好叻㗎，識聽識講廣東話，仲有部份識睇添呀！店內用上不少馬賽克燈作裝飾，好靚，高樓底加上冷氣十足，內店坐得幾舒服。落左兩份午餐同一份小食，等左一陣就上齊啦，幾豐富～先來試試異地烤羊肉卷餅 Lamb donor roll，賣相不錯嘛。餅皮煙韌有咬口，羊肉酥香，加上生菜洋蔥等増加口感，醬汁酸酸地帶微辣，整體味道豐富有層次，好完美。再來試試咖哩牛肉 Beef curry，本來想叫羊肉咖哩的，但好似又點羊唔係幾好咁。午餐呢款咖哩係有蕃茄帶點酸的口味，完全不辣，入口有陣陣香料味感覺不錯，內邊有好幾件牛腩，已炆得軟腍，有少少牛筋令佢更有口感。咖哩餐可以選跟飯或薄餅，選了薄餅，一籃有四件，大大塊又厚身，是原味的，用黎沾咖哩食啱晒，好好味呀。本來想點的芝士卷無貨，就轉了咖哩角 Samosa，是有名的小食呢。入面是滿滿的餡料，有薯仔，青豆等，全素的。即炸的熱辣辣，外層酥脆餡料甜美，如果喜歡，點埋枱上的醬汁更好吃，個人推薦青醬～午餐還送飲品添，凍飲加三蚊，點了土耳其茶同凍奶茶，奶茶香滑好飲。土耳
是日同朋友黎試下，小店全部係外籍員工，但佢地好叻㗎，識聽識講廣東話，仲有部份識睇添呀！
店內用上不少馬賽克燈作裝飾，好靚，高樓底加上冷氣十足，內店坐得幾舒服。
落左兩份午餐同一份小食，等左一陣就上齊啦，幾豐富～
先來試試異地烤羊肉卷餅 Lamb donor roll，賣相不錯嘛。
餅皮煙韌有咬口，羊肉酥香，加上生菜洋蔥等増加口感，醬汁酸酸地帶微辣，整體味道豐富有層次，好完美。
再來試試咖哩牛肉 Beef curry，本來想叫羊肉咖哩的，但好似又點羊唔係幾好咁。
午餐呢款咖哩係有蕃茄帶點酸的口味，完全不辣，入口有陣陣香料味感覺不錯，內邊有好幾件牛腩，已炆得軟腍，有少少牛筋令佢更有口感。
咖哩餐可以選跟飯或薄餅，選了薄餅，一籃有四件，大大塊又厚身，是原味的，用黎沾咖哩食啱晒，好好味呀。
本來想點的芝士卷無貨，就轉了咖哩角 Samosa，是有名的小食呢。
入面是滿滿的餡料，有薯仔，青豆等，全素的。即炸的熱辣辣，外層酥脆餡料甜美，如果喜歡，點埋枱上的醬汁更好吃，個人推薦青醬～
午餐還送飲品添，凍飲加三蚊，點了土耳其茶同凍奶茶，奶茶香滑好飲。
土耳其茶套杯碟幾靚！立即打卡先，哈哈 。呢杯係熱茶黎㗎，雖然唔似中國茶咁滾，佢上枱時已經係適合入口嘅溫度，試下先。好得意，甜甜的蘋果茶，與其話係茶，不如話蘋果汁，好香甜嘅蘋果味，好飲呀！食物好味又有特式，想試下異國口味就黎試下啦～
張貼
