一番日本料理

營業中

休息中

有邊個元朗人未食過一番日本料理？印象中10+年前開始幫襯，小店唔算太大間，但係平靚正，仲要大大份！爸媽一直未食過🤣 慰勞下佢哋$150已經食到佢哋飽飽🥰🥰襯而家冇咩人出街食🙊 去到唔怕太多人😂 中午12:00先開門，做到第一個客人🤣必點刺身、壽司🍣食得出係新鮮、衞生，食親都未試過肚屙🙊「迷你雜錦壽司配烏冬」只係$52有8件唔同款式嘅壽司 跟餐+$10就有前菜、蟹子沙律、甜品（係泡芙）+$5 有多2件三文魚壽司真係抵！到！爛！食多啲飯好呀😊 儲米氣「咖哩吉列豬扒飯」，跟餐送麵豉湯😋 大大碟，飯、豬扒、咖喱汁都好多！地盤佬都夠食！豬扒炸得非常香脆可口，皮脆肉嫩。爸媽真係好鍾意食三文魚😂 每次去日本餐廳都要食額外點咗4件三文魚刺身 $43 都幾厚身，冇咩腥味👍🏻呢個價錢來講，食物質素算係物超所值。餐廳衞生情況可以，可以放心食。