影片
更多
2023-02-26
56 瀏覽
作為土生土長元朗人，成日都會幫襯富興潮州粉麵，一路都覺得自己欠佢一篇食評，今日帶個朋友嚟一齊食，朋友都好欣賞，我都得係時候要俾返富興潮州粉麵一個好評，因為佢都真係一間幾高質嘅潮式粉麵餐廳。呢日我地叫左東坡肉飯（$55）、豬手牛筋麵（雙併$48）、淨魚皮餃（$40）、腐乳通菜（$12）、豆漿（跟餐$8）同埋熱檸茶（跟餐$8）。一直都非常鍾意佢地個東坡肉飯，因為醬汁味濃，但唔會太過死咸，而個東坡肉好肥美，而且炆煮得十分軟腍，用佢撈飯食，真係無得輸，好快就可以chur晒一碟。至於個豬手牛筋麵，南乳豬手炆得十分入味，南乳味好突出，肉又軟腍，而個牛筋都好嫩滑有咬口，份量仲要好多，配合上彈牙幼麵，價廉物美～另外，個魚皮餃就皮薄餡靚，餡料爽滑彈牙，鮮味濃郁，淨叫魚皮餃配上紫菜湯底又清清地，然後再食返條唔會太咸、但又好惹味嘅腐乳通菜，成餐都好值得回味。富興潮州粉麵地址：又新街33號怡豐大廈地下9號舖
呢日我地叫左東坡肉飯（$55）、豬手牛筋麵（雙併$48）、淨魚皮餃（$40）、腐乳通菜（$12）、豆漿（跟餐$8）同埋熱檸茶（跟餐$8）。
一直都非常鍾意佢地個東坡肉飯，因為醬汁味濃，但唔會太過死咸，而個東坡肉好肥美，而且炆煮得十分軟腍，用佢撈飯食，真係無得輸，好快就可以chur晒一碟。
至於個豬手牛筋麵，南乳豬手炆得十分入味，南乳味好突出，肉又軟腍，而個牛筋都好嫩滑有咬口，份量仲要好多，配合上彈牙幼麵，價廉物美～
另外，個魚皮餃就皮薄餡靚，餡料爽滑彈牙，鮮味濃郁，淨叫魚皮餃配上紫菜湯底又清清地，然後再食返條唔會太咸、但又好惹味嘅腐乳通菜，成餐都好值得回味。
富興潮州粉麵
地址：又新街33號怡豐大廈地下9號舖
張貼
