影片
更多
2024-07-24
67 瀏覽
《多多雞大排檔》今日嚟到元朗搵食 不嬲知道又新街嗰頭好多餐廳 而呢間多多雞大排檔上網見食評唔錯 今日一於同屋企人黎試吓位置方面喺又新街要轉入啲橫街先搵到間舖頭 有分室內同室外 天氣咁熱，梗係揀室內座位上網睇到佢營業時間，仲要去到凌晨四點🤯 真係好適合夜貓🔸豉油王鵝腸($118)作為頭盤真係好開胃 鵝腸呢比較貴價嘅食材份量絕對唔少 仲要條條都好長 識食落好爽好有咬口 而底下嘅配菜有金菇同埋芽菜 所有嘢撈埋個豉油王真係好香🤭 送飯真係一流🔸 西蘭花炒龍躉球($188)上到第二度餸發覺呢間餐廳出名碟碟都非常大碟🫣😯 食得出個炒西蘭花係好有鑊氣 而龍躉球係用新鮮魚柳 完全冇骨 可以大大啖咁食晒啲魚肉真係好爽😋 另外徐松仲會附上非常鹹香嘅蝦醬 鍾意食重口味嘅朋友可以時菜點蝦醬食😋🔸炭燒豬頸肉($128)呢個炭燒豬頸肉份量超級多 絕對對得住個價錢粗略估計個份量係平時一般食開嘅三倍有多豬頸肉係有調過味，加上炭燒真係好鬼死香 再點買少少酸嘅辣汁真係不得了🥹🤤🔸招牌即燒炭火靚雞($198)呢個招牌即燒炭火靚雞係必點嘅招牌菜 當然係壓軸登場🤩落單嘅時候已經預咗要等大約半個鐘 因為係即燒 上菜時真係成隻雞豎
今日嚟到元朗搵食 不嬲知道又新街嗰頭好多餐廳 而呢間多多雞大排檔上網見食評唔錯 今日一於同屋企人黎試吓
位置方面喺又新街要轉入啲橫街先搵到間舖頭 有分室內同室外 天氣咁熱，梗係揀室內座位
上網睇到佢營業時間，仲要去到凌晨四點🤯 真係好適合夜貓
🔸豉油王鵝腸($118)
作為頭盤真係好開胃 鵝腸呢比較貴價嘅食材份量絕對唔少 仲要條條都好長 識食落好爽好有咬口 而底下嘅配菜有金菇同埋芽菜 所有嘢撈埋個豉油王真係好香🤭 送飯真係一流
🔸 西蘭花炒龍躉球($188)
上到第二度餸發覺呢間餐廳出名碟碟都非常大碟🫣😯 食得出個炒西蘭花係好有鑊氣 而龍躉球係用新鮮魚柳 完全冇骨 可以大大啖咁食晒啲魚肉真係好爽😋 另外徐松仲會附上非常鹹香嘅蝦醬 鍾意食重口味嘅朋友可以時菜點蝦醬食😋
🔸炭燒豬頸肉($128)
呢個炭燒豬頸肉份量超級多 絕對對得住個價錢
粗略估計個份量係平時一般食開嘅三倍有多
豬頸肉係有調過味，加上炭燒真係好鬼死香 再點買少少酸嘅辣汁真係不得了🥹🤤
🔸招牌即燒炭火靚雞($198)
呢個招牌即燒炭火靚雞係必點嘅招牌菜 當然係壓軸登場🤩
落單嘅時候已經預咗要等大約半個鐘 因為係即燒
上菜時真係成隻雞豎喺度上菜 好適合打卡🤭
餐廳仲好貼心咁提供手套同埋鉸剪俾大家去拆咗隻雞嚟食 最誇張係一路拆嘅時候啲雞汁一路滴出嚟🤤🤤🤤
隻雞真係燒到外脆內軟 完全冇誇張到 外皮係簿到成張紙，咁然後咬落去好似薯片咁脆🫢🫢測完啲雞肉之後個雞殼記住要”選”埋佢🥹 因為睇得出雞殼入邊都塞咗好多調味料 “選”落係好入味
總括嚟講呢間唔係好起眼嘅大排檔非常推薦大家一試 價錢非常實惠，而且碟碟都好大碟 最緊要係間舖頭嘅老闆娘同埋夥計都好Nice 上菜嘅時候都會同你吹幾句水😂 而家都好少餐廳會咁有人情味🥲
張貼
