水門雞飯 (百宜樓) (已結業)

聽朋友講話最近元朗開左間新既水門雞飯店，膽粗粗走去試下，一去到已經大排長龍，雖然唔鍾意等，不過又想試下正唔正宗，最後都有排隊食，等左大概廿零分鐘就到我。裝修無乜特別，不過都乾淨企理，最梗要都係睇食物質素。一坐低就叫左碟三餸飯，d料都比得足，唔會偷工減料。由於叫左油飯，咸咸地愈食愈開胃，雞都唔錯，夠滑。一個女仔去食都食得晒，食完個飯，飲埋佢送既碗湯就岩岩好。下次會再黎食，不過太多人就未必會排隊等了。