影片
更多
2020-03-19
45 瀏覽
今日返左去元朗食飯，約咗個老友去呢間位於元朗劇院同公共圖書館附近嘅泰國菜，個feel有少少似restaurant&bar，餐廳入面有個小型酒吧位。以前住喺元朗，周不時經過呢到，見到鋪頭都幾多人，一直都想去試下佢，今日終於有機會去試。呢間餐廳主打自家農田，種咗好多有機瓜菜，一碟餐前小食，食完好開胃。我地叫咗4個菜，第一碟馬拉盞炒通菜，相當經典嘅泰國菜，幾乎每次食泰國菜都會叫。呢個季節通菜未係話好靚好當造，因此無可避免要扣少少分，但係今日呢碟已經係整得相當唔錯，師傅調味功夫救返成個菜式，整體好惹味好吸引。泰式炸蝦餅，泰式小食之首選。蝦味夠，炸粉同蝦肉比例掌握得幾好，食落口啖啖肉，絕不兒戲。泰式炒飯，呢碟更加係今晚驚喜，原本無乜大期望，只係想食少少飯填飽個肚。食幾啖已驚嘆水準之高，炒飯最難係調較乾濕程度，今晚呢碟拿捏得好準確。配料亦好夾，味道一流。泰式燒牛仔骨，牛味夠，燒得唔會過火，水準以上。呢杯Kirin嘅Frozen Beer，我第一次試，感覺更加冰涼，一路食泰國菜一路啤啤佢，配埋蝦餅/牛仔骨/通菜等送酒菜式，認真過癮。友人無飲酒，嗌咗杯菠蘿冰，佢評價清甜好飲。整體用餐感覺良好，店員招呼
呢間餐廳主打自家農田，種咗好多有機瓜菜，一碟餐前小食，食完好開胃。
我地叫咗4個菜，第一碟馬拉盞炒通菜，相當經典嘅泰國菜，幾乎每次食泰國菜都會叫。呢個季節通菜未係話好靚好當造，因此無可避免要扣少少分，但係今日呢碟已經係整得相當唔錯，師傅調味功夫救返成個菜式，整體好惹味好吸引。
泰式炸蝦餅，泰式小食之首選。蝦味夠，炸粉同蝦肉比例掌握得幾好，食落口啖啖肉，絕不兒戲。
泰式炒飯，呢碟更加係今晚驚喜，原本無乜大期望，只係想食少少飯填飽個肚。食幾啖已驚嘆水準之高，炒飯最難係調較乾濕程度，今晚呢碟拿捏得好準確。配料亦好夾，味道一流。
泰式燒牛仔骨，牛味夠，燒得唔會過火，水準以上。
呢杯Kirin嘅Frozen Beer，我第一次試，感覺更加冰涼，一路食泰國菜一路啤啤佢，配埋蝦餅/牛仔骨/通菜等送酒菜式，認真過癮。
友人無飲酒，嗌咗杯菠蘿冰，佢評價清甜好飲。
整體用餐感覺良好，店員招呼亦有禮貌，希望有機會入元朗再encore！
張貼
