Couple's Kitchen (已結業)

提早慶祝520❤️，上網睇吓有咩心水餐廳🍴，見到依間餐廳不論裝修食物都唔錯咁，於是決心試吓，這間餐廳好易認，因為舖面裝修有別於同街其他食肆，而且大大隻字寫住couple’s kitchen，對面街也見到.餐廳內在環境也充滿歐陸風情，圓形拱門同埋窗，適合打卡，舖位唔算細，座位舒適，餐廳播放住英文歌，部分店員講英文，感覺似去咗離島餐廳，食物叫咗意式煙豬面温泉蛋卡邦尼扁意粉$137、香草奶油烤春雞選配波菜$188、自家製魚手指$58、香脆蘋果金寶伴雪糕$56，香草奶油烤春雞做得幾出色，香口肉嫩多汁，份量剛好，雖然係春雞但仍然啖啖肉，可以點埋附上的應該係香草汁，別有一番風味，魚手指雖然係$58，但有四大舊，舊舊手掌咁長，絕不欺場，至於豬面意粉，出面真係好少食到，煙燻效果所以味道較濃，但唔會過鹹，卡邦尼汁濃，啲汁掛到啲意粉，份量雖然比較少，但味道不錯，最後個甜品，賣相幾靚，雪糕下面藏咗啲蘋果粒，味道調校得幾好，唔係好甜，服務方面也不錯，整體來講不錯.