影片
更多
2021-02-15
100 瀏覽
係香港真係唔易搵到正宗地道口味烤魚，呢間位於元朗嘅烤魚工房質素同國內探魚絕對有得揮，仲有得外賣自取烤魚，網上openrice 平台都預訂到！星期五、六、日12點鐘就開門，烤魚全日供應。烤魚 6種口味：唔辣嘅有蒜香酸菜及菌香豆豉 ，辣嘅有鮮青椒、香辣豆花、泡椒及小龍蝦口味4款魚類：江團魚、桂花魚、鱸魚、清江魚選擇餐廳裝潢帶點塗鴉風，感覺年輕活力。外賣烤魚會跟埋架、酒精膏及一次性枱布兩限，非常細心可供客人自行翻熱食用。我就梗係揀番最經典嘅香辣豆花烤魚 （鱸魚）因為鱸魚質地夠實，亦唔算好多骨！可叫輔菜每份$18加入烤魚內食。餐廳除左烤魚方面，炸物同串燒都算幾出色，烤茄子 抵食又夠惹味！香炸魷魚鬚 $49超大條，大概有6條左右。炸漿唔厚，外脆內爽彈。芥末魚皮 $46比較稀有嘅涼拌菜式，爽滑魚皮配咸咸微辣嘅調味，幾開胃前菜。
星期五、六、日12點鐘就開門，烤魚全日供應。
烤魚
6種口味：唔辣嘅有蒜香酸菜及菌香豆豉 ，辣嘅有鮮青椒、香辣豆花、泡椒及小龍蝦口味
4款魚類：江團魚、桂花魚、鱸魚、清江魚選擇
餐廳裝潢帶點塗鴉風，感覺年輕活力。
外賣烤魚會跟埋架、酒精膏及一次性枱布兩限，非常細心可供客人自行翻熱食用。
我就梗係揀番最經典嘅香辣豆花烤魚 （鱸魚）
因為鱸魚質地夠實，亦唔算好多骨！
可叫輔菜每份$18加入烤魚內食。
餐廳除左烤魚方面，炸物同串燒都算幾出色，烤茄子 抵食又夠惹味！
香炸魷魚鬚 $49
超大條，大概有6條左右。炸漿唔厚，外脆內爽彈。
芥末魚皮 $46
比較稀有嘅涼拌菜式，爽滑魚皮配咸咸微辣嘅調味，幾開胃前菜。
張貼
