影片
更多
2022-01-21
427 瀏覽
唔知由幾時開始，去親茶餐廳都想食碗沙爹牛肉麵，去西貢玩水前要食，行山後要食，平時返工放lunch有時都食一食。朗屏站附近呢間永順食店就係我覺得最好食嘅茶餐廳之一😌。 呢間茶餐廳係長期有人排隊等位嘅，星期六上午去到都排左10幾個人，不過唔駛比條人龍嚇親，因為店面比較大，所以大概10幾分鐘就有位了✌。 ❤ 沙爹牛肉麵（$28）成碗沙爹牛肉麵比濃濃嘅沙爹醬鋪滿，醬汁係有少少起沙嘅口感，一定要撈勻先夠味架😋。牛肉係比較有嚼頭嘅，食得出鮮牛肉本身嘅味道同質感，同加左好多鬆肉粉果種牛肉片完全唔同。麵底我就揀左福麵，鐘意佢幼身同埋有彈性嘅波浪紋，非常掛湯，但福麵容易變腍，所以一上檯就要趁熱食左先🤭。 ❤芝士流心蛋鮮牛治（烘底）（$32）推介🏅🏅🏅。呢個三文治好驚艷💕💕，今次第一次試，我覺得比沙爹牛肉麵做得更加出色🤩。鮮牛肉大大塊，而且有一定厚度。炒蛋係流心嘅，芝士都有少少融化，同牛肉混和之後有豐富嘅口感。多士烘過之後熱辣辣而且好鬆脆，因為係新鮮出爐，唔會比入面嘅餡料浸腍，咬落沙沙聲真係好正🥰。 ❤ 熱奶茶（$16）有朋友話係因為呢度d奶茶而成日黎，茶味的確係比較濃，但個人認為屬於正常水準啦，焦點仍然
呢間茶餐廳係長期有人排隊等位嘅，星期六上午去到都排左10幾個人，不過唔駛比條人龍嚇親，因為店面比較大，所以大概10幾分鐘就有位了✌。
❤ 沙爹牛肉麵（$28）
成碗沙爹牛肉麵比濃濃嘅沙爹醬鋪滿，醬汁係有少少起沙嘅口感，一定要撈勻先夠味架😋。牛肉係比較有嚼頭嘅，食得出鮮牛肉本身嘅味道同質感，同加左好多鬆肉粉果種牛肉片完全唔同。麵底我就揀左福麵，鐘意佢幼身同埋有彈性嘅波浪紋，非常掛湯，但福麵容易變腍，所以一上檯就要趁熱食左先🤭。
❤芝士流心蛋鮮牛治（烘底）（$32）
推介🏅🏅🏅。呢個三文治好驚艷💕💕，今次第一次試，我覺得比沙爹牛肉麵做得更加出色🤩。鮮牛肉大大塊，而且有一定厚度。炒蛋係流心嘅，芝士都有少少融化，同牛肉混和之後有豐富嘅口感。多士烘過之後熱辣辣而且好鬆脆，因為係新鮮出爐，唔會比入面嘅餡料浸腍，咬落沙沙聲真係好正🥰。
❤ 熱奶茶（$16）
有朋友話係因為呢度d奶茶而成日黎，茶味的確係比較濃，但個人認為屬於正常水準啦，焦點仍然係放喺d食物度🤣。
張貼
