彩

營業中

休息中

前排好興食沾麵，呢間久仰大名既沾麵係元朗開左一段時間，有好朋友都有推薦所以就諗住去試試佢。呢間拉麵舖店面細細間，由日本人主理，好似去左日本咁，bar枱圍住open kitchen，我地7點去到都已經要等位。等既時候，店員已經比定單我地叫定先。我同個frd都揀左是日限定既伯爵茶麵配蝦湯底。好意外地，d麵睇落份量唔算多，但都食唔曬，麵身好結實，咬耐d都食得出茶味。湯底好濃郁，仲配埋有招牌彩字紫菜同流心蛋，可以話無得輸。人均大約80-100左右啦，唔算貴，但因為多人等，所以想坐耐少少都唔得，但都值得一去。