泰瀾鑊 (朗壹廣場)

營業中

休息中

同男朋友嚟間泰國餐廳食飯，餐廳喺元朗朗壹廣場地下，門口會見到有一架色彩繽紛嘅篤篤車，非常容易搵到。金磚蒜蓉多士即叫即炸蒜蓉多士，炸到金黃色非常吸引，未食已經聞到好香蒜蓉味，咬落去啪啪聲，多士入邊嘅麵筋發酵得柔軟，口感和味道都非常好！椒鹽蒜香軟殼蟹軟殼蟹用椒鹽和炸蒜蓉炒香，有好香嘅椒鹽味和蒜蓉味，加上軟殼蟹連埋蟹殼都可以食，唔使搣殼入口就食得，食得好和味。肥牛 船粉好鍾意食湯粉有湯飲又有粉一齊食，粉條爽口好香米味，個湯濃濃肉香味好好飲，仲有新鮮肥牛和香脆炸豬皮，未食已經流口水🤤