篤篤車 (已搬遷) 新店位置

今日入元朗搵野食，見到依間車仔面鋪有人排隊就去望下。見佢主打泰國鱷魚湯幾特別，而人龍又唔算特別多就一於試下啦。題外話：排隊時見到有人示威，有朱凱迪，原來係抗議區內行人天橋造價太貴 兩個人食吃左一個鱷魚湯底一個冬陰功湯底，兩個都唔錯，個人較 喜愛鱷魚湯，飲落都香甜，感覺真材實料咁，據聞對女仕好補添。餸菜款式頗多，我揀左珍珠元貝、墨魚仔仲有我最愛既牛栢 。平時食車仔面真係少見有元貝，佢份量都幾多。其實車仔面d質素 都好難好差，依間最特出反而係個菜，馬拉盞炒芥蘭，車仔面中既誠意之作，最後仲有杯薄荷青檸梳打都好飲！