Couple's Kitchen (已結業)

今日去左元朗另一間西式餐廳，叫做Couple's kitchen。佢都幾大間，成間餐廳門面都係綠色加金色，好eye-catching又係elegant既路線。餐廳入面都裝修得好靚，有好多打卡位。同埋佢座位都好寬敞舒服，我地兩個人都可以坐到卡位，又冇限時入座，可以慢慢好舒服咁傾計食野。我地今晚叫左： 🔸️脆炸洋蔥圈配柚子蛋黃醬（$58，8.3／10）佢揾左個幾得意既小木筒黎裝。洋蔥圈炸得好酥脆，唔會太油膩，配埋柚蛋黃醬幾清新。 🔸️葡式醬烤澳洲羊架 （$278, 8/10）有三塊羊架，食落好有咖哩味。羊架上面佢應該係加左啲芝士落去焗，食落軟軟糯糯咁，幾得意。整體都ok。 🔸️  手工意式香草蕃茄肉醬千層麵（$158, 8/10)呢個蕃茄肉醬千層麵味道正常，都好重蕃茄味。特別想一讚係佢伴碟既焗薯十分好味。佢配菜有菜芯同蓮藕，都幾搞笑，唔知佢係唔係想行fusion路線。