野川拉麵の深燒食堂

營業中

休息中

前幾日我同朋友中午時間係元朗搵緊食乜好之際，見到附近呢間野川拉麵之深燒食堂好似唔錯，就入左去叫D主食同小食首先點左個叉燒拉麵。拉麵湯底豬骨味濃郁冇味精味，叉燒都係自家特製，又嫩又多汁，拉麵夠彈牙，軟硬適中。我地又叫左幾款刺身：有三文魚、甜蝦、油甘魚同帶子。D刺身解雪做得好好，唔會食到有冰，同埋食落非常新鮮，忍唔住叫左兩round仲有，依度D小食都好好食，就好似依個脆米流心芝士波。流心芝士波外脆內軟，入面D芝士夠哂味，而且真係流心，岩哂芝士控。椰汁流心球和芝士炸彈都一樣非常好食，值得一試！吉列蠔同芝麻雞翼一樣咁好食，吉列蠔外酥內嫩，蠔肉鮮美。芝麻雞翼就外皮酥脆，肉質嫩滑。飲品就揀左曲奇雪糕配紅豆冰，紅豆冰唔算太甜，而且紅豆大大粒，配埋曲奇雪糕，口感層次十足，簡直就係最佳拍檔。睇餐牌仲有好多特色飲品嘅選擇，重點係價錢唔貴，下次要再試其他先。