西宮 (已結業)

中學同學新婚搬入元朗，幫手搬屋後請我地去食自助餐慶祝入伙。小弟見識少，原來元朗都有自助餐！心諗自助餐2百蚊想點吖！估唔到有蠔食喎，雖然係焗蠔唔係生蠔。但一蠔難求，一 refill 就俾人搶晒！全晚總共食咗2隻咋！冷盤海鮮另有凍蝦，青口，大八爪魚，同埋未食過嘅聖旨仔，都幾好食！熟食食物都幾多款式，自己就幾鍾意食天婦羅蝦同埋泰式咖哩牛腩。小食方面溫泉蛋同埋Cheese & Ham 都係食咗幾 Round 。其他幾特別嘅包括德國腸，燒牛肉。而壽司刺身有五六款，連燒三文魚，天使蝦都有，算係幾有誠意！甜品唔算特別正，但都推介大家食焦糖燉蛋！香滑唔太甜，焦糖脆卜卜。難得酒店級 Level。