Couple's Kitchen (已結業)

估唔到元朗都有裝修美麗打卡西餐廳，而且仲有英式下午茶，最鍾意afternoon tea嘅我，黎到當然要一試！先是門面墨綠色已很有高級感，一進入餐廳有個時尚水吧，再配上華麗英倫裝飾，即時已經心心眼！餐廳不算很大但坐位舒適，每枱之間有足夠空間感！墨綠色特色牆加上復古牆燈！非常美麗！📍Couple’s Afternoon Tea傳統英式下午茶食法就係先食底層鹹點，怎料鹹點比我預期的好食喎！最好食就當然係入口甘香嘅鵝肝多士啦！再配上無花果醬中和鵝肝油膩感，非常好食！我最欣賞就是三文魚子蟹肉半伴脆餅，三文魚子原合上，可以供客人自己加在食物當中，份量自己控制，特別好玩，魚蟹肉鮮甜，脆餅脆卜卜，非常唔錯！另外，黑松露芝士雜菌焗酥盒同芝士撻都非常香口好食，總括整份鹹點熱辣辣的，非常不錯！第二層甜點有馬卡龍、泡芙、哈密瓜及咖啡蛋卷、迷你窩夫，全部都是應有水準，我自己就特別鍾意他的可麗露！咬落去煙煙韌韌，焦糖香甜，有酒店級水準！最上層就是英式提子鬆餅，附上蘋果醬！酸酸甜甜，配襯鬆餅一流！飲品方面，我們選了鳥籠花茶！成套茶具粉紅色的十分吸睛，即是少女心爆發！茶壺有蠟燭㷫住，唔怕花茶會凍，咁就慢慢食都唔驚！