添添

營業中

休息中

今次出返元朗鳳琴街食野，果個位一向成條街都係餐廳。見佢又有茶餐廳又有三餸飯，一於試下佢有咩食。其實見佢D飯餐都幾吸引，叫左個精選晚餐清蒸游水海斑 HK$128即叫即蒸，新鮮熱辣，魚肉非常滑，好似係酒樓食咁。再叫埋芒果粒粒果肉特飲都係加$6，不過就淡左少少，唔太有芒果味。子薑話梅鴨（半隻）HK$98肉質都幾好，個汁就厚左少少，酸酸甜甜咁，幾開胃。加經典紅豆冰都係$6，呢個抵加呀，紅豆同奶都好有份量。