過橋麵檔

營業中

休息中

有住係元朗友人話元朗其實冇咩野食，得一間過橋麵檔可以見得下人，既然當地人都講到咁，咁就一定要去試試佢啦。餐單選擇有少少似茶餐單，都係啲大眾平民選擇。因為知道餐單主打雞，所以毫不猶豫咁同友人嗌左兩個唔同味嘅雞飯。霸王雞飯，咁多隻味入面，佢係最受歡迎嘅，在場見到好多人都嗌左佢。霸王雞，即係蔥油雞，蔥油香好足，加上雞肉好嫩滑，係正嘅！不過食多幾啖，會覺得太鹹，要狂飲水。份量覺得有成半隻雞，好抵食！友人嗌左個巴辣雞飯，食一啖會令你覺得真係辣，但食多幾啖之後，你會適應左陣辣味，辣油香滲透雞肉，甚至會覺得佢好食過霸王雞。另外一提，佢啲飯係菜飯，菜同飯嘅份量係一比一，好足料！如果係志在食一餐普通晚餐黎講，以$50幾蚊食到呢個質素，真係值得推薦嘅。