Stormies (已結業)

慶祝朋友生日，朋友又話想食西餐又唔想出去市區咁遠，所以呢我地一行四個就睇下YOHO有咩食啦發現原來係simplylife個層落去，行出去外面有一間隱世西餐！見到個外觀又幾好，所以就試一試佢！個日食飯係星期一，無咩人等位，一去到就有位可以入去我地一行三個人哪左四個野食！餐前小食：水牛城雞翼 好食指數：◉◉◉◎◎水準可以，炸到雞皮好脆但入面肉質又唔會太老餐前小食二：炸魷魚圈 好食指數：◉◉◉◉◎哩個好！炸粉不會太厚，又無炸到個麵份甩左出黎！點埋個有小小辣既醬，好開胃！主菜：卡邦尼意粉 好食指數：◉◉◉◎◎水準都可以既，白汁味濃，但麵身有點太"林"，不過不失主菜：肉眼扒 好食指數：◉◉◎◎◎我地叫左medium-rare，但黎到係medium-well，肉質有點老同硬而且調味不夠，肉香佔大部份，個調味無令到塊扒變得更好食更有味總結黎講，食物真係不過不失，恆生卡有8折，所以個價錢都可接受，但如果無折去食，就唔係好抵食但環境同氣氛不錯，可能因為個日無咩人！