Story Steak & Pasta (已結業)

家姐係呢頭返工，今晚特登過黎接佢收工同佢食飯。我地2個都想食西餐，逛下逛下就比story steak and pasta個門口吸引左😂裝潢別緻，簡單的工業風再配上牆上的小裝飾，整體感覺都好舒服。我地叫左2個set，分別係香煎澳洲洋架+配菜 $118 同埋巴馬薄餅 $88。 2個都已經包左餐湯餐飲同包，超抵食！餐湯可以選南瓜湯或者蘑菇湯，我地不約而同都係選擇左蘑菇湯！蘑菇味濃郁，夠滑溜又唔會稀，而餐包就係跟蒜蓉包。先黎的係巴馬薄餅，pizza真係好常食，不過配parma ham就真係第一次。pizza係屬於薄身質地，個人認為薄身無厚身咁油膩，所以我都係喜歡薄身多d。講返個pizza先😂， parma ham的味道同pizza係岀奇地夾，香脆得黎又帶小小咸香，相當不錯！另外就是澳洲羊架了！配菜可以選擇薯條，薯蓉，飯，意粉。我地選擇了薯蓉，薯蓉好香忌廉味，口感亦唔會話太粉，夠哂軟滑，不過賣相可以好小小haha。另外仲有新鮮沙律菜跟埋，超級豐富，夠哂fresh呀!最後羊架方面，我地叫左7成熟，肉質嫩滑，又夠肉汁，食到停唔有口！便宜的價錢，有咁樣的質素，仲要唔使加一，整體感覺相當不錯！