Never Too Late Dining (已結業)

係元朗近近地竟然都搵到間特色西餐廳😍行過幾次已經覺間門口既裝修好特別， 好似外國既餐廳咁，有個小小既戶外位放左張二人枱，好似屋企既後花園咁。今日我地試左個午餐，分別係鴨胸露荀意粉同焗雞扒意粉。鴨胸意粉配埋露荀，食落都幾fresh，無想像中咁油膩。而焗雞扒就焗得岩岩好，唔會太燶之餘仲焗到雞皮好香脆👍🏻👍🏻正！野飲試左杯玫瑰咖啡同芒果沙冰。玫瑰咖啡既玫瑰味唔算太重，我比5/10分啦，岩岩好合格，玫瑰味重啲就更有特色。而芒果沙冰就唔合格喇，飲落就知係糖漿既味道，無鮮芒果味，大家可以唔洗試。