影片
更多
2020-07-08
1937 瀏覽
我真係好愛石燒吉列牛❤️牛肉有層酥脆嘅吉列皮已經夠惡，仲可以用石燒熟，控制自己喜愛嘅生熟程度，簡直係邪惡軸心！🙈可惜次次我荃灣收工，去親秘都人山人海！😭於是，前排我終於的起心肝，喺元朗搵到另一間主打石燒吉列牛餐廳，那就是The Backstreet Kitchen啦！定食附送嘅蕃茄豆腐雕花湯，真係精緻到唔捨得食！呢度位置有少少隔涉，不過晚市定食套餐都係百零蚊起，石燒吉列牛、橫町飯、半熟蛋連蕃茄豆腐湯，真心CP值高！其中，蕃茄豆腐湯入面，仲有舊切成花嘅豆腐，打卡度一流！個人仲好愛店家自創嘅橫町飯，喺珍珠米上加咗生薑燒肉汁、黑白芝麻、櫻花蝦乾、木魚粉及紫菜，勁足料！😍👍🏻以210度嘅高溫油炸出外脆內生嘅吉列牛！可隨個人喜好再煎喜愛嘅生熟程度，好正！😍外脆內軟，肉汁豐富，非常高質！石燒吉列牛小排定食🐮呢度採用美國安格斯牛小排，出名油花均勻，肉腍多汁，再經過210度嘅高溫油炸20至40秒，做出外脆內生嘅吉列牛～！上枱前，師傅仲將牛小排切成薄切size，輕輕煎兩煎就食得，好方便！😍我有點意外係，佢雖然薄切，但咬開勁多肉汁，吉列皮又脆脆地，吃上口又腍又脆，口感無得彈！至於配料，佢哋提供咗Wasabi
牛肉有層酥脆嘅吉列皮已經夠惡，仲可以用石燒熟，控制自己喜愛嘅生熟程度，簡直係邪惡軸心！🙈
可惜次次我荃灣收工，去親秘都人山人海！😭於是，前排我終於的起心肝，喺元朗搵到另一間主打石燒吉列牛餐廳，那就是The Backstreet Kitchen啦！
定食附送嘅蕃茄豆腐雕花湯，真係精緻到唔捨得食！
呢度位置有少少隔涉，不過晚市定食套餐都係百零蚊起，石燒吉列牛、橫町飯、半熟蛋連蕃茄豆腐湯，真心CP值高！其中，蕃茄豆腐湯入面，仲有舊切成花嘅豆腐，打卡度一流！個人仲好愛店家自創嘅橫町飯，喺珍珠米上加咗生薑燒肉汁、黑白芝麻、櫻花蝦乾、木魚粉及紫菜，勁足料！😍👍🏻
石燒吉列牛小排
$98
60 瀏覽
1 讚好
0 留言
外脆內軟，肉汁豐富，非常高質！
石燒吉列牛小排定食🐮呢度採用美國安格斯牛小排，出名油花均勻，肉腍多汁，再經過210度嘅高溫油炸20至40秒，做出外脆內生嘅吉列牛～！上枱前，師傅仲將牛小排切成薄切size，輕輕煎兩煎就食得，好方便！😍
我有點意外係，佢雖然薄切，但咬開勁多肉汁，吉列皮又脆脆地，吃上口又腍又脆，口感無得彈！至於配料，佢哋提供咗Wasabi、山椒粉、七味粉蒜蓉，個人超愛山椒粉，配埋牛肉燒汁點肉食，成件事好惹味！🤤
芝士吉列黑松露豬扒
$78
95 瀏覽
0 讚好
0 留言
抵食之選，中間嘅芝士及黑松露好多，食完好飽足！
芝士吉列黑松露豬扒定食🐷
除咗石燒吉列牛，另一款人氣美食就係芝士吉列黑松露豬扒！店家將豬扒製成卷物，入面包住松露味沙律醬同芝士，外層同樣地用高溫油炸出吉列皮～當夾起豬扒，將會拉出長長拉絲，睇上去真係好治癒❤️
至於味道，我嫌卷物嘅豬肉有啲實，質感無石燒吉列牛咁正。松露味太突出，有少少搶咗豬肉嘅味。不過呢個卷，芝士真心多，芝士迷食應該會幾滿足～
張貼
