校長燒肉日韓料理 (西裕街)

營業中

休息中

影完婚紗相之後大解放！今次去咗我哋最鍾意嘅飯堂，校長燒肉！呢度除咗價廉物美，食物質素都有返咁上下！逢假期呢度都大排長龍🤣🤣🤣元朗校長燒肉佔地全層，座位好闊落！首先講吓食物先，真係冇誇張，過百款食物😍除咗好多烤肉款式之外，仲有刺身，海鮮，多款熟食😋飲品方面，除咗一般放題都會有嘅紙包同罐裝飲品，仲有梅酒同清酒任飲🍶養生嘅朋友仲有好多花茶選擇🍵食物當中，刺身選擇眾多，個人最鍾意食帶子刺身🤣🤣🤣烤肉放題有得食呢個刺身，真係不得了！質素都唔錯🍣烤肉方面，有靖魚同秋刀魚，仲有魷魚！有一個升級版本可以食到鮑魚，大蝦，扇貝等等嘅海鮮😱😱😱❤️真係抵食！而且全部食物都係自取，唔使驚落咗單好耐先到🤣🤣🤣🤣呢度仲有火鍋區，淨係燒肉怕熱氣嘅話，可以攞湯底，有提供唔同嘅菜同火鍋丸子👍🏻👍🏻👍🏻價廉物美，所以我先話呢度喺飯堂🤣🤣🤣❤️