影片
更多
2019-11-01
539 瀏覽
同朋友預早大約兩星期訂咗位， 今日終於嚟到食大閘蟹嘅大日子啦! 未夠八點半門口已經好多人等入去， 可能因為上一round既人食慢咗所以我哋遲咗少少入座， 不過老細一早講定會補番時間畀我哋， 所以都唔使擔心。入到去之後啲座位都幾舒適， 我見好多枱都係兩個人坐一張四人卡位， 枱面就有一個gas爐， 上面放咗個磯燒嘅裝置。 枱面亦都擺放曬燒烤同食蟹需要用嘅架撐， 包括較剪 夾仔 同埋 放蟹殼嘅兜 等等。 仲好細心咁分咗兩款唔同嘅夾仔， 用嚟夾生野同熟嘢。 每枱仲枱面同枱底都有垃圾桶， 就算食蟹好多蟹殼， 都唔會搞到太凌亂。🤔 至於食物就集中放咗喺一間食物房入面， 肉食類都有好多， 包括一啲雞翼 豬扒 牛扒 雞腎 雞軟骨 等等等等 🤤 順帶一提我要推介大家食燒午餐肉， 雖然聽落好似好蠢豬， 但燒完出嚟午餐肉係外脆內軟㗎， 絕對值得一試。🥰🥰 另一個肉食推介係雞翼， 用嗰個爐燒有燒烤嘅效果， 可以做到脆皮雞翼， 超正! 😛海鮮類有大眼雞 蠔 同埋扇貝， 蠔同埋扇貝係急凍嘅， 唔算太大隻， 不過我主要都係食蟹所以冇乜所謂。 大眼雞就超好食，又易燒。🤤食物房入面仲有多款醬料， 蒜蓉蔥辣椒豉油 全部有
入到去之後啲座位都幾舒適， 我見好多枱都係兩個人坐一張四人卡位， 枱面就有一個gas爐， 上面放咗個磯燒嘅裝置。 枱面亦都擺放曬燒烤同食蟹需要用嘅架撐， 包括較剪 夾仔 同埋 放蟹殼嘅兜 等等。 仲好細心咁分咗兩款唔同嘅夾仔， 用嚟夾生野同熟嘢。 每枱仲枱面同枱底都有垃圾桶， 就算食蟹好多蟹殼， 都唔會搞到太凌亂。🤔
至於食物就集中放咗喺一間食物房入面， 肉食類都有好多， 包括一啲雞翼 豬扒 牛扒 雞腎 雞軟骨 等等等等 🤤 順帶一提我要推介大家食燒午餐肉， 雖然聽落好似好蠢豬， 但燒完出嚟午餐肉係外脆內軟㗎， 絕對值得一試。🥰🥰 另一個肉食推介係雞翼， 用嗰個爐燒有燒烤嘅效果， 可以做到脆皮雞翼， 超正! 😛海鮮類有大眼雞 蠔 同埋扇貝， 蠔同埋扇貝係急凍嘅， 唔算太大隻， 不過我主要都係食蟹所以冇乜所謂。 大眼雞就超好食，又易燒。🤤
食物房入面仲有多款醬料， 蒜蓉蔥辣椒豉油 全部有齊。 😎 可以用啲醬料嚟diy燒海鮮 特別推介一個泰式辣汁， 配魚食好好食。🧜♀️ 入面仲有雪櫃擺放咗汽水 任飲。 因為食大閘蟹嘅關係， 餐廳好細心咁準備咗薑茶 同蟹醋， 薑茶係一個大煲一路煲住熱辣辣 真係好有誠意呀。 😮😮😮 房入面仲有啲熟食， 菜呀嗰啲不過我就完全冇食過。😂
講返重點， 入座後十五分鐘左右開始派蟹， 每人一隻先， 之後每十至15分鐘再派， 總之食到你叫停唔要為止。 我哋兩個女仔每人食咗五隻蟹先收手， 但其他枱嘅人客都仲不停食， 到底老細你咁樣會唔會蝕錢㗎？？？🤣🤣🤣 講下蟹嘅質素， 坦白講第一隻蟹唔算太靚， 有少少黑我哋都好擔心中伏， 即刻有啲失望。 但第二輪佢派嘅蟹已經靚咗好多， 有蟹膏嘅香氣。 之後一路派嘅係唔知點解越嚟越靚， 越來越多膏同香。 我自己偏好鍾意食蟹公， 貪佢入面有嗰啲半透明嘅啫喱食， 黐住個嘴真係超Yummy ☺️☺️ 呢度食咗五隻蟹全部都係蟹公， 如果你都係鍾意食蟹公既同路人， 就啱曬啦。
成個場嘅氣氛都好好 ， 大家不停拎嘢食， 老細不停派蟹， 又同啲人客有傾有講。 其他員工都係不停幫你倒蟹殼，服務very good。另外， 好多放題餐廳都會早半個鐘last order， 但呢間餐廳去到最後十五分鐘都仲派緊蟹， 我哋食到過時老細都冇出聲， 仲話係因為遲咗放我哋入嚟 叫我哋慢慢繼續食，飲埋薑茶先走 。🤭🤭總括而言 成餐dinner都好滿意， 食到最後兩個攬住個肚出去畀錢， 先發現原來288蚊呢個價錢係唔使加一， 真係實在太抵食了。🏋️♀️🏋️♂️🏋️♀️🏋️♂️
如果一定夾硬要講一個唔好嘅地方， 就係呢度只收現金， 同埋建議枱面可以每枱放多一個紙巾 😂👍
張貼
