麻辣Doi (已結業)

元朗都好多好嘢食，今日想食麻辣嘢，見麻辣Doi網上評價唔錯，就過去試下。🐷香辣雜茵豆乾炒肥腸$86有雲耳，菇，洋蔥，三色椒，肥腸都有幾多，肥腸仲黐住啲肥膏，味道回甘，最愛大腸呢浸味🤩鐘意大腸嘅必點，個汁有點豉汁炒嘅味道，呢個餸用嚟送飯一流。🐔滑雞香鍋四款配菜$208我地叫咗微辣，端上嘅時候香噴噴，鍋底有小火坐熱，味道香濃又惹味，辣味慢慢滲岀，越食越滋味。雞件醃得入味 ，用油炸過，食落比較香口，雞皮又脆口，仲有好多脆花生😍配菜揀了牛柏葉，魷魚，有嚼勁又彈牙，蓮藕片爽口，生菜🥬索晒汁都好食，兩個人食份量剛好。微辣紅薯粉 $18紅薯粉質感爽口少煙韌，索哂個微辣濃湯，食完之後好飽肚☺️