Sage Bar

營業中

休息中

Item: Sage Bar
Rating: 5
Author: bdyng1208

4.5

68 食評

味道

環境

服務

衛生

抵食

1059

元朗

$101-200

西式酒酒吧

bdyng1208

等級1

星期日天氣好好，約咗個朋友入嚟元朗飲嘢，但係行咗好多間都覺得好似環境唔係太靚太嘈，我哋想搵一啲可以坐幾個鐘頭Hea下又可以靜靜地吹水嘅地方。忽然記起上次去過嗰間 Sage Bar and Restaurant環境都幾好，不過佢上次冇酒牌，過咗成個月應該都有啦卦，所以搏一搏就行咗過去。朋友第一次黎，佢覺得環境都唔錯，尤其是好鍾意落地玻璃同埋工業風嘅裝修。我哋坐咗去Bar頭度，可以望住Bartender調教飲品。飲品Menu上邊都幾多款揀，啤酒、白酒、Cocktail都有。因為我哋都有選擇困難症，所以聽Bartender推介左呢兩款飲品。Cocktail都同出邊嘅價錢差不多，我哋啱啱趕得切happy hour，所以都幾抵。講返飲品，我哋叫咗一杯黃色同紅色嘅cocktail。紅色係Sangria，係西班牙傳統飲品，佢係有紅酒同埋檸檬檸汁、橙汁、君度橙酒，酒味唔算濃，甜甜地又有生果味，好適合happy hour 時間飲。黃色嗰杯係Bartender特製嘅，佢首先問咗我喜歡乜嘢味道，然後就根據我嘅喜好去沖咗呢一杯Cocktail俾我，有菠蘿汁嘅香味又有vodka嘅香味，真係好清新，Bartend

星期日天氣好好，約咗個朋友入嚟元朗飲嘢，但係行咗好多間都覺得好似環境唔係太靚太嘈，我哋想搵一啲可以坐幾個鐘頭Hea下又可以靜靜地吹水嘅地方。忽然記起上次去過嗰間 Sage Bar and Restaurant環境都幾好，不過佢上次冇酒牌，過咗成個月應該都有啦卦，所以搏一搏就行咗過去。朋友第一次黎，佢覺得環境都唔錯，尤其是好鍾意落地玻璃同埋工業風嘅裝修。我哋坐咗去Bar頭度，可以望住Bartender調教飲品。飲品Menu上邊都幾多款揀，啤酒、白酒、Cocktail都有。因為我哋都有選擇困難症，所以聽Bartender推介左呢兩款飲品。Cocktail都同出邊嘅價錢差不多，我哋啱啱趕得切happy hour，所以都幾抵。
講返飲品，我哋叫咗一杯黃色同紅色嘅cocktail。紅色係Sangria，係西班牙傳統飲品，佢係有紅酒同埋檸檬檸汁、橙汁、君度橙酒，酒味唔算濃，甜甜地又有生果味，好適合happy hour 時間飲。黃色嗰杯係Bartender特製嘅，佢首先問咗我喜歡乜嘢味道，然後就根據我嘅喜好去沖咗呢一杯Cocktail俾我，有菠蘿汁嘅香味又有vodka嘅香味，真係好清新，Bartender好野！因為lunch我哋食得好飽，所以就冇叫嘢食啦，等下次再嚟嘅時時候叫啲芝士同cold cut，可以一邊飲一邊食。
我哋一路傾，不知不覺之間就過咗兩個鐘頭，我會大力推介比元朗朋友，除咗嚟食嘢之外，其實響度飲吓嘢都可以relax地消磨一個下午。