影片
更多
2022-08-31
39 瀏覽
元朗有三大omakase，呢日終於試埋最後一間--壽司源Sushi Hajime！壽司源主打江戶前壽司，晚市omakase有三個sets，揀咗中價嘅$1280set，包前菜一品、刺身三種、握壽司九貫、和食兩種、手卷、味噌湯及甜品。壽司源位置寬倘，坐得舒適。店員先送上前菜：溫室蕃茄、蕎麥麵、炸無花果溫室蕃茄甜度頗高，配上黑醋酸甜開胃；蕎麥冷麵配搭wasabi刺激味蕾；炸無花果外脆內軟，與胡麻醬都幾夾！鹿兒島鱸魚刺身鱸魚魚味清雅，肉質爽彈略帶咬口，簡單配上酸汁及紫蘇花，作為第一道前菜非常醒胃。北海道帆立貝刺身夏天係貝類當造嘅季節，當然要不時不食！帆立貝柔軟鮮美，師傅只係簡單配搭柚子皮及青檸汁去突顯鮮味。岩手縣石垣貝刺身師傅將新鮮石垣貝喺枱上拍打，石垣貝就立即收縮起來，口感彈牙，擠上青檸汁令入口加添一份清新。章紅魚壽司師傅將魚薄切然後疊起，雖然食起來無厚切口感咁飽滿，但食起來就比較順滑無筋。選用章紅魚腩位，帶有魚油香。鹿兒島深海池魚壽司師傅同樣用薄切嘅手法處理，深海池魚魚味濃郁，我鍾意面頭嘅薑蔥，同濃味嘅深海池魚相輔相成。北海道縞海老壽司縞海老產卵非常少，屬於稀有品種，師傅先將蝦子及蝦膏取出
壽司源位置寬倘，坐得舒適。
店員先送上前菜：溫室蕃茄、蕎麥麵、炸無花果
溫室蕃茄甜度頗高，配上黑醋酸甜開胃；蕎麥冷麵配搭wasabi刺激味蕾；炸無花果外脆內軟，與胡麻醬都幾夾！
鹿兒島鱸魚刺身
鱸魚魚味清雅，肉質爽彈略帶咬口，簡單配上酸汁及紫蘇花，作為第一道前菜非常醒胃。
北海道帆立貝刺身
夏天係貝類當造嘅季節，當然要不時不食！帆立貝柔軟鮮美，師傅只係簡單配搭柚子皮及青檸汁去突顯鮮味。
岩手縣石垣貝刺身
師傅將新鮮石垣貝喺枱上拍打，石垣貝就立即收縮起來，口感彈牙，擠上青檸汁令入口加添一份清新。
章紅魚壽司
師傅將魚薄切然後疊起，雖然食起來無厚切口感咁飽滿，但食起來就比較順滑無筋。選用章紅魚腩位，帶有魚油香。
鹿兒島深海池魚壽司
師傅同樣用薄切嘅手法處理，深海池魚魚味濃郁，我鍾意面頭嘅薑蔥，同濃味嘅深海池魚相輔相成。
北海道縞海老壽司
縞海老產卵非常少，屬於稀有品種，師傅先將蝦子及蝦膏取出，然後混合鋪喺蝦身炙燒。蝦肉鮮甜幼滑，蝦子及蝦膏炙燒後味道更鮮，豐潤甘香，正！
池魚壽司
池魚都係屬於魚味比較濃郁嘅品種，同薑蔥好夾！
風乾七日熟成牛小排
牛小排肉質軟腍，不過肉味就唔算突出。
冬瓜鴨肉白舞茸湯
食到omakase一半，店員送上清甜嘅白舞茸湯，暖一暖胃。
長崎縣大拖羅
師傅喺我哋面前將吞拿魚切件，大拖羅油脂密佈，魚油甘香豐腴，入口即溶。
醬油漬拖羅
醬油漬過嘅拖羅恰好平衡膩感。不過如果魚類嘅變化多D會更好。
北海道白海膽
呢晚竟然有拍賣海膽，仲要係白海膽，發達了！每瓣海膽都完整飽滿，味道鮮甜，唔需要太多花巧，淨係食海膽嘅原味已經足夠！
長崎鯖魚壽司
醋漬過嘅鯖魚魚味更加香濃突出，食落更有風味。
三文魚籽海膽壽司
呢件壽司有d似丼飯，面頭鋪滿慷慨嘅三文魚籽及海膽，好滿足。三文魚籽喺師傅自己醃製，入口較甜，好味！
蔥吞拿魚蓉手卷
師傅主動問飯量，好貼心。
麵豉湯
甜品
甜品有小丸子同夕張蜜瓜，小丸子淋上黑糖醬，煙煙靱靱。夕張蜜瓜宜家當造，甜度爆燈。
張貼
