影片
更多
2018-09-10
122 瀏覽
點完菜之後，靚仔店長好快就送上前菜三碟，最右手邊嘅係黑松露溫泉蛋，溫泉蛋火候準確 ，口感滑溜，溫泉蛋沐浴喺日本醬油裏面，昆布同黑松露嘅味道，同溫泉蛋係意想唔到嘅咁夾。中間嘅係白瓜煙三文魚沙律，白瓜嘅口感有少少似青瓜，不過要嚟得更加爽脆，而沒有青瓜嗰一陣清澀嘅味道，可以更好地享受煙三文魚嘅餘韻。最左手面嘅係海素麵，麵條煙韌得嚟又帶少少軟糯嘅口感，味道較酸，相當開胃。食omakase，廚師係日本人，感覺特別良好。鱲魚壽司，鱲魚薄切2 - 3mm，透光度十足，淡淡甘甜嘅淡紅色魚肉，肉質爽口而鮮美，每一啖都都充斥著立魚香氣，具有獨特嘅清爽口感。金目鯛壽司，金目鯛係日本靜岡縣伊豆半島嘅特產，棲息喺水深100到800米嘅深海之中，眼睛大而帶金色光澤，體色係淡淡嘅櫻花粉紅色，肉質細緻鮮美，魚肉鮮甜嫩滑。 鯖魚壽司， 鯖魚味道濃醇，比較似烹調過後嘅味道而不似生魚片嘅味道，鯖魚加上米飯嘅組合，不但令鯖魚嘅美味滲透到米飯之上，米飯亦都可以緩和鯖魚稍嫌強烈嘅味道，整體搭配十分合宜，面頭有洋蔥碎同埋薑粒，令整體味道顯得更加豐富。赤身壽司，口味清爽，油脂唔重，咁就可以更確實地感受到赤身嘅美味。左口魚， 左口魚選
點完菜之後，靚仔店長好快就送上前菜三碟，最右手邊嘅係黑松露溫泉蛋，溫泉蛋火候準確 ，口感滑溜，溫泉蛋沐浴喺日本醬油裏面，昆布同黑松露嘅味道，同溫泉蛋係意想唔到嘅咁夾。
中間嘅係白瓜煙三文魚沙律，白瓜嘅口感有少少似青瓜，不過要嚟得更加爽脆，而沒有青瓜嗰一陣清澀嘅味道，可以更好地享受煙三文魚嘅餘韻。
最左手面嘅係海素麵，麵條煙韌得嚟又帶少少軟糯嘅口感，味道較酸，相當開胃。
食omakase，廚師係日本人，感覺特別良好。
鱲魚壽司，鱲魚薄切2 - 3mm，透光度十足，淡淡甘甜嘅淡紅色魚肉，肉質爽口而鮮美，每一啖都都充斥著立魚香氣，具有獨特嘅清爽口感。
金目鯛壽司，金目鯛係日本靜岡縣伊豆半島嘅特產，棲息喺水深100到800米嘅深海之中，眼睛大而帶金色光澤，體色係淡淡嘅櫻花粉紅色，肉質細緻鮮美，魚肉鮮甜嫩滑。
鯖魚壽司， 鯖魚味道濃醇，比較似烹調過後嘅味道而不似生魚片嘅味道，鯖魚加上米飯嘅組合，不但令鯖魚嘅美味滲透到米飯之上，米飯亦都可以緩和鯖魚稍嫌強烈嘅味道，整體搭配十分合宜，面頭有洋蔥碎同埋薑粒，令整體味道顯得更加豐富。
赤身壽司，口味清爽，油脂唔重，咁就可以更確實地感受到赤身嘅美味。
左口魚， 左口魚選材唔近裙邊位置，口感無咁肥膩，亦都更加能夠食到左口嘅鮮味，上面黃色嘅顆粒帶點鹹鮮，有啲我哋中式蝦子麵蝦子嘅意味，又係非常之創新嘅一道。
蝦壽司，睇住日本師傅喺你面前生吞活剝，經以感受到有幾咁新鮮，再加上上面嘅魚子醬作點綴，鮮蝦爽口彈牙，沒有不好吃的理由。
三文魚子軍艦，新鮮嘅三文魚子喺口腔內應聲爆開，加上仍然脆身嘅紫菜，正啊。
Toro 味麵豉湯，麵豉湯都有拖羅味！？原來拖羅味係嚟自湯裏面嘅拖羅魚皮，魚皮油脂豐富，口感有少少爽身，喺口入面咬開，立馬爆發一陣魚油嘅香味，及後同靚仔老闆交談之下，先知道原來處理魚皮嘅工序係咁複雜，連做個麵豉湯都咁有心機，足見餐廳對出品嘅用心。
海膽壽司，靚海膽嘅回甘味道，令我寫緊呢篇食評嘅時候都流哂口水，而且份量都唔少，厚厚嘅幾層喺個軍艦上面，令人回味。
沖繩黑糖雪糕，黑糖味嘅雪糕唔係度度都食得到，餐廳特別係日本入口呢一隻沖繩黑糖雪糕，黑糖味道香甜，為呢一餐畫上一個完滿嘅句號。
張貼
