Forever 友緣西餐 (已結業)

通常同爸媽去飲茶， 今日想轉下口味， 諗起暑假同阿女去過西菁街食嘢， 對呢間餐廳印象幾深刻， 望入去裝修幾靚， 爸媽唔介意入元朗 ，就咁決定啦!好鍾意招牌嘅藍色， 入到去餐廳裝修好典雅， 大水晶吊燈配上七彩小吊飾， 淺灰色絲絨椅，深灰色枱布， 大吊鐘。我哋坐喺大玻璃窗嘅卡位，好舒服!先一人一杯welcome drinks， 我哋喺又新街落車行到入嚟 ，先飲杯蘋果汁叫咗兩個set lunch 加一個小食。 先嚟嗰南瓜忌廉湯 ，南瓜打成蓉 ，加咗適量嘅忌廉， 濃度啱啱好又滑， 仲有一人一個牛角包， 鬆軟可口跟住上香蒜包糠焗扇貝， 面頭鋪滿蒜蓉同麵包糠， 扇貝面焗得金香， 但係裏面仲好嫩焗加拿大黑毛豬鞍扒， 黑毛豬鞍扒肉質夠滑又夠爽，加上蘋果蓉，芥末，好夾香煎海鱸魚配香草茄蓉汁 ，鱸魚味道清清地但係加埋啲香草茄蓉汁， 就啱啱好原來每份餐都有一大球薯蓉波波， 我哋唔知道，所以加咗一個飯同一個意粉， 如果食量唔大就可以唔使㗎喇， 不過個意粉真係做得幾爽身。爸爸叫咗杯熱咖啡， 奶分開上， 倒奶時，侍應哥哥好細心叫爸爸小心燙手， 因為嗰啲奶仲好熱。 咖啡非常香濃， 爸爸大讚，我同媽媽都忍不住飲左一口