INN - I’m Not Nothing (已結業)

朋友知我鐘意食法式班戟，相約我黎晩餐，話呢度環境舒服，食物質素唔錯，啱我地慢慢傾、慢慢食，重好多打卡位。環境方面就好有法式風情，以白色為主色，配上華麗的閃閃發光水晶燈，雲石枱，同時配上藤織櫈、同植物裝飾，風格清新又雅緻，有種悠閑感覺。主食點了澳洲肉眼扒配薯菜，肉眼扒我點了七成熟，肉眼本身高質，外層煎香，肉汁被鎖住，以燒汁配搭，好好味。沙律菜新鮮爽脆，粗直身薯條有濃濃嘅薯仔味，如果份量多d更好。法式班戟係另一大滿足，朱古力香蕉.係perfect match. 餅皮軟熟煙韌，整體味道豐富又唔太甜。飲品點了士多啤梨藍莓奶昔，奶昔味道唔會太甜，濃濃嘅水果味，口感幼滑。