薄荷葉泰國菜

營業中

休息中

約朋友食飯，見到呢度氣氛唔錯，都多推介，就黎試下啦！😎😎我地六點零到，有三枱客到，坐左一陣就開始多人，唔洗半個鐘室內就已經滿座，不過戶外都仲有位既，唔怕熱的話，我地好彩黎得早！我地兩個人，叫左都幾多野食，好滿足！甘熱既天氣，一定叫只椰青消下暑！多大只，冰涼清甜！爽呀！馬拉盞炒芥蘭芥蘭係芥蘭苗，夠嫩，爽口無苦味！食泰國野一定唔少得佢！豬、牛、雞串燒各二第一次見用啤酒杯做容器，又幾好喎，啲油滴晒落杯度！串燒熱辣辣，肉質夠嫩唔鞋，又大舊。燒到好香口，點埋個沙爹醬食，好好味！必食！斑蘭牛肉咖哩配薄餅第一次食有斑蘭既咖哩，佢個咖哩汁好濃，香濃咖哩中夾雜住斑蘭微微既香同甜味，好好食喎！呢個對於唔食得辣既朋友好岩！一定會愛上咖哩！薄餅係油酥餅，點咖哩食一流！菠蘿炒飯成個桶上，份量好多！材料好豐富，有蝦、魷魚、腰果同大量既菠蘿！飯炒得好靚，粒粒分明，唔會太咸，夾住甜甜多汁既菠蘿食，好好味，好適合夏天食，會更開胃！好滿足既一餐！野食好味又足料！推薦推薦！