影片
更多
2023-01-17
46 瀏覽
元朗越黎越多食肆，今日經過間有粥有小菜嘅店鋪，價錢唔貴又勁多選擇，於是同朋友揀左做晚飯落腳點😋貴妃雞豬潤粥🐔🐷新記出名食粥，今晚天氣比較暖都見到好幾枱都有叫。上枱時已經好香，粥底棉滑，貴妃雞大大件肉質嫩滑，豬膶有驚喜，新鮮而且無煮過頭。菠蘿咕嚕肉🐷新記嘅招牌菜式🤩，上枱時聞到陣陣酸甜味😌，隨即食慾大增，食落口啖啖肉，而且肥瘦肉均稱。而且咕嚕肉外皮炸得香脆可口，加上咕嚕汁酸甜適中，食落口唔覺好熱氣之餘仲以$58呢個價錢絕對係抵食。酥炸魷魚鬚🦑漿粉厚薄適中，上枱時熱辣辣，魷魚鬚外層炸得好香脆，入面仲係彈牙唔會過老。如果唔使揸車，送返枝啤酒就一流😋香脆炸大腸🐷外表超脆，食落口爽口又夠肉地😚，而且炸得香口，加上大腸處理得乾淨無怪味👍🏽，配埋新記嘅酸甜醬簡直一流！炸芝麻球有驚喜係圖片顯示得3粒，但上臺係有5粒🥳，而且粒粒都熱辣辣炸起，吃落去香脆可以，入面內餡煙韌 😙，好好食！薑汁紅棗糕另外都叫左個足料甜品紅棗糕，口感超QQ😙，好大舊，上臺時亦都熱辣辣，勁香濃紅棗味，食落口亦散出淡淡薑汁味，係養生甜品嘅最好選擇😂都仲記得當日新記車水馬龍，場面熱鬧。加上菜式好味又多選擇，所以好多家庭都會黎幫襯，而我
貴妃雞豬潤粥🐔🐷
新記出名食粥，今晚天氣比較暖都見到好幾枱都有叫。上枱時已經好香，粥底棉滑，貴妃雞大大件肉質嫩滑，豬膶有驚喜，新鮮而且無煮過頭。
菠蘿咕嚕肉🐷
新記嘅招牌菜式🤩，上枱時聞到陣陣酸甜味😌，隨即食慾大增，食落口啖啖肉，而且肥瘦肉均稱。而且咕嚕肉外皮炸得香脆可口，加上咕嚕汁酸甜適中，食落口唔覺好熱氣之餘仲以$58呢個價錢絕對係抵食。
酥炸魷魚鬚🦑
漿粉厚薄適中，上枱時熱辣辣，魷魚鬚外層炸得好香脆，入面仲係彈牙唔會過老。如果唔使揸車，送返枝啤酒就一流😋
香脆炸大腸🐷
外表超脆，食落口爽口又夠肉地😚，而且炸得香口，加上大腸處理得乾淨無怪味👍🏽，配埋新記嘅酸甜醬簡直一流！
炸芝麻球
有驚喜係圖片顯示得3粒，但上臺係有5粒🥳，而且粒粒都熱辣辣炸起，吃落去香脆可以，入面內餡煙韌 😙，好好食！
薑汁紅棗糕
另外都叫左個足料甜品紅棗糕，口感超QQ😙，好大舊，上臺時亦都熱辣辣，勁香濃紅棗味，食落口亦散出淡淡薑汁味，係養生甜品嘅最好選擇😂
都仲記得當日新記車水馬龍，場面熱鬧。加上菜式好味又多選擇，所以好多家庭都會黎幫襯，而我第時唔想煮飯時都會黎食番幾味家常小菜先😁😁
張貼
