馬六

營業中

休息中

我今日約同好友去元朗行街，順道去位於元朗壽富街60號順福糧倉地下G24號舖的馬六食特色下午茶餐，環境舒適，坐得舒服。我點左無骨海南雞油飯（轉脾位＋$10）配紫菜清湯$75，好友點左海南雞清湯米粉$48，另加斑蘭咖吔多士$28，娘惹蟹肉酥盒（4件）$48。餐飲係（熱）桂圓紅棗茶，及（熱）桔仔話梅水。海南雞的雞肉嫩滑，脾位是我的至愛，油飯好味，紫菜湯好飲；湯米粉有嫩滑的海南雞外，亦有豆卜和溏心蛋，好味又好食；斑蘭咖吔多士好惹味，蟹肉酥盒香口好味；紅棗茶好飲，桔仔話梅水好解渴。