十十四川料理 (已結業)

餐廳有落地玻璃，室外佈置華麗，有卡位、方枱、圓枱；室外仲有園林位，環境優美。餐牌選擇都多，又有套餐提供，套餐有齊前菜、主菜、飲品、甜品。酸菜魚：湯底加左大量酸菜、大豆芽、萵筍、寬粉，蔥花，未上枱已聞到陣陣鮮香；鱸魚片滑溜，酸菜酸爽甘甜，非常惹味，果然係招牌菜。紅燒乳鴿：外皮燒得香脆，近胸肋位置更覺嫩滑無比，而且肉汁飽滿，正正就係美味既關鍵。炒花菜：簡單既家常菜，脆爽開胃，清炒都超好吃。脆炸鮮奶饅頭：熱辣辣炸到金黃色，外脆內軟，點埋煉奶，大人細路都鍾意。黑糖椰汁芋圓冰粉：芋圓煙韌彈牙，冰粉爽口清甜，加入黑糖椰汁調味，口感十足。冷泡洛神花茶：洛神花顏色鮮紅，甜酸滋味，好有層次感，冷泡飲用，更加可口。總結，餐廳環境舒服，食物質素高，值得推薦。