影片
更多
2022-07-26
115 瀏覽
再來一煲📍元朗鳳攸南街3號好順景大廈1座地下47號舖媽媽突然話想食辣嘢，我諗起之前我frd推介過yoho附近一間雞煲，於是決定就去食下啦～🌄位置&環境位置近元朗地鐵站啦，係鳳琴街體育館對面嘅一條巷仔，雖然比較難搵，但係好彩酒香不怕巷子深，我哋七點入座，去到八點左右開始爆滿！環境都幾乾淨嘅，位置都坐得舒服～👍🍱食物🍾醬料落座嘅時候，佢會畀一碟六格嘅醬料同一樽豉油畀我哋調醬汁，辣椒粒、炸蒜、芫茜、葱粒、蒜蓉，但係我最鍾意係右下角自家製XO醬好香！😋🥘招牌魔鬼雞煲 $198一開始打算嗌小辣，但係老闆提醒我哋，佢哋嘅雞煲比一般雞煲嘅辣度辣啲，我哋細膽，加上媽媽唔係好食得辣，所以就嗌咗BB辣呢度嘅雞煲係落咗墨西哥辣椒，比起出面嘅指天椒更加辣，又加咗檸檬葉😮的確會香啲，比起其他雞煲就咁花椒八角更加有層次有啲甜甜地嘅味道，好難形容，煮到好濃之後都唔會有普通雞煲越食越鹹，而係有種甜味，我諗正正就係檸檬葉嘅功用😜同埋雞煲入面都有啲配料：木耳、荷蘭豆等🥰但係我覺得最出色係豆卜，好吸汁，吸咗咁多汁都唔會死鹹，而係甜甜地，少少微辣，所以呢個煲好適合煮啲吸湯嘅食材👍值得一提嘅係上臺嘅時候是雞件兩三成熟，會攪一兩
📍元朗鳳攸南街3號好順景大廈1座地下47號舖
媽媽突然話想食辣嘢，我諗起之前我frd推介過yoho附近一間雞煲，於是決定就去食下啦～
🌄位置&環境
位置近元朗地鐵站啦，係鳳琴街體育館對面嘅一條巷仔，雖然比較難搵，但係好彩酒香不怕巷子深，我哋七點入座，去到八點左右開始爆滿！環境都幾乾淨嘅，位置都坐得舒服～👍
🍱食物
🍾醬料
落座嘅時候，佢會畀一碟六格嘅醬料同一樽豉油畀我哋調醬汁，辣椒粒、炸蒜、芫茜、葱粒、蒜蓉，但係我最鍾意係右下角自家製XO醬好香！😋
🥘招牌魔鬼雞煲 $198
招牌魔鬼雞煲
$198
6 瀏覽
0 讚好
0 留言
一開始打算嗌小辣，但係老闆提醒我哋，佢哋嘅雞煲比一般雞煲嘅辣度辣啲，我哋細膽，加上媽媽唔係好食得辣，所以就嗌咗BB辣
呢度嘅雞煲係落咗墨西哥辣椒，比起出面嘅指天椒更加辣，又加咗檸檬葉😮的確會香啲，比起其他雞煲就咁花椒八角更加有層次有啲甜甜地嘅味道，好難形容，煮到好濃之後都唔會有普通雞煲越食越鹹，而係有種甜味，我諗正正就係檸檬葉嘅功用😜
同埋雞煲入面都有啲配料：木耳、荷蘭豆等🥰但係我覺得最出色係豆卜，好吸汁，吸咗咁多汁都唔會死鹹，而係甜甜地，少少微辣，所以呢個煲好適合煮啲吸湯嘅食材👍
值得一提嘅係上臺嘅時候是雞件兩三成熟，會攪一兩次先食得，咁做法令啲雞件好嫩滑，啱啱好，好正！同埋老闆都會過嚟兩三次幫我哋攪，都好好服務👍
推薦度：😋😋😋😋😋
🥘打邊爐
食完之後老闆就幫我哋落湯啦，倒湯嘅時候有遮住，會幫我哋隔油，好貼心！
🫓即炸黃金響鈴 $42
即炸黃金響鈴
$42
13 瀏覽
0 讚好
0 留言
即炸起，仲幾熱下，老闆話有幾種食法嘅1️⃣可即食，直接點泰式辣醬，呢個食法幾特別，響鈴極脆，啲碎碎跌到成枱都係，好出色2️⃣又可以點雞煲啲汁，我最推薦呢個食法，噉樣又保留到香脆口感，又食到雞煲惹味嘅甜辣醬汁；3️⃣仲可以煮火鍋，呢個係最正路嘅食法啦，索曬啲湯，一樣好正💕
推薦度：😋😋😋😋😋
🐮手切本地牛 $198
手切本地牛
$198
13 瀏覽
0 讚好
0 留言
呢度嘅牛肉顏色好紅，好新鮮，牛唔係好多脂肪嗰種，但係好軟熟，好有牛味，而且冇筋，就算偏瘦都唔會覺得柴，而且份量幾多下，抵食！餐單上仲有幾種牛，大家都可以嚟試下，相信會一樣出色嘅🥰
推薦度：😋😋😋😋😋
🦐蝦滑 $98
蝦滑
$98
10 瀏覽
0 讚好
0 留言
份量一樣好多，滿瀉晒出嚟，應該真係手打，刮落去嘅時候feel到起曬膠咁，食落都真係好彈牙好鮮甜💕
推薦度：😋😋😋😋
🍡精選雜丸拼盤 $68
精選雜丸拼盤
$68
5 瀏覽
0 讚好
0 留言
有墨魚丸、蟹籽丸、牛筋丸等，特別推薦牛筋丸，一咬係有汁流落嚟，好正！其他丸雖然都係一般打邊爐常見，但係質素都依然好好，心思思想食多幾種類型嘅丸可以試下！
推薦度：😋😋😋
🍢瀑布芝心丸 $48
瀑布芝心丸
$48
4 瀏覽
0 讚好
0 留言
呢個大推！薄薄地好紮實嘅牛丸入面有勁多好香濃嘅芝士，好邪惡但係好正！但係小心唔好同牛丸撈亂，一個唔覺意大大力咬落去就會辣親😆😆😆
推薦度：😋😋😋😋😋
🍬紙豆腐 $32
紙豆腐
$32
14 瀏覽
0 讚好
0 留言
呢個幾特別，類似豆皮，但係又軟熟過豆皮，卷成一卷卷咁😆老闆特別提我哋話幾秒就得，索下汁就食得，呢個同雞煲絕配，雞煲汁嘅甜味同豆類嘅甜味夾埋一齊，唔知點解好甜好好食！
推薦度：😋😋😋😋😋
🍜手打烏冬 $28
手打烏冬
$28
11 瀏覽
0 讚好
0 留言
雞煲嘅最後嚟翻個烏冬係基本啦，呢個時候啲湯煮到剩返一半，咁我哋覺得就嚟走就冇叫佢加湯啦，但係竟然一啲都唔會鹹，反而係一開始嗰浸檸檬葉嘅甜味出翻嚟，好特別，啲汁喼喼地撈烏冬勁好食💕💕💕
推薦度：😋😋😋😋😋
張貼
