黑木亭-お食事処 (玉成大廈) (已結業)

呢晚同朋友仔約埋慶生，晚餐揀就返之前食過感覺唔錯嘅黑木亭，野食質素好好味又打卡靚，而且元朗店仲有關東煮、外賣飯盒供應，好岩同朋友仔聚會/作為日常飯堂。❀壽司大滿貫❀有大拖羅、中拖羅、鯛魚、魷魚、赤蝦等壽司，仲有三個迷你海鮮丼：海膽三文魚子、吞拿魚蓉及牛油果三文魚腩，咩都試哂咁滯，魚生新鮮鮮甜，當中海膽三文魚子嘅海膽好甘甜，配上滿滿魚油香嘅三文魚子好惹味🫶🏻❀波士頓龍蝦刺身❀第一次食龍蝦刺身咁奢侈，師傅切成一片片薄片，食落軟嫩又鮮甜，另外師傅將Wasabi整成朵蓮花咁，好有心機。❀龍蝦粥❀本身以為係2人餐，應該唔會好多，點知原來係成煲粥，用上龍蝦頭+龍蝦殼煲製，D粥好綿滑，唔洗點調味已經鮮味十足，最令人震驚嘅係我同朋友仔各自食左4碗😂❀龍蝦腦蟹鉗蒸蛋❀有蟹籽+龍蝦肉，仲有個超大既蟹鉗，好厚肉，因為用料靚，味道當然好好味。❀菠蘿汁及蘋果汁❀聚會少不免要飲下野，揀左2款清清地嘅果汁，味道唔太甜的，但個杯杯底有富士山，細節位取勝，幾靚的。